Нэрт дуучин Эминемийн концертийн үеэр үймээн үүсчээ. Реппер Kill you дуугаа дуулж байх агшинд буун дуу хадсан бөгөөд үүнээс үүдэн олон зуун иргэд орох нуувч хайн гүйлджээ.
~Эминемийн дууны эхлэлийг “буун дуу” хэмээн андуурч, үймээн болжээ~
Харин Эминемийн шүтэн бишрэгч залуус гүйлдэх хүмүүсийг хараад гайхан зогссон гэнэ. Учир нь Эминем уг дуугаа дуулахдаа буун дуугаар эхлүүлдэг уламжлалтай юм байна.
Айж сандарсан иргэдийн ярьсанаар “Буун дуу хадах тэр агшинд Лас Вегаст болсон аллага шууд толгойд орж ирсэн. Тэгээд л ум хумгүй зугтаасан” гэжээ.
