~Цахимаар бүртгүүлсэн хүүхдүүдийг санамсаргүй түүврийн аргаар сонгоно~
2018-2019 оны хичээлийн жилийн нийслэл дэх цэцэрлэгийн цахим бүртгэл өчигдөр дууссан билээ. Энэ жил 2-5 насны бүх хүүхдийг цахимаар бүртгэж байгаа юм.
Ийнхүү цахим бүртгэл дуусч, өнөөдөр 09.00 цагт цахим элсэлт явагдаж эхэллээ.
Ингэснээр хүүхдүүдийг санамсаргүй түүврийн аргаар сонгоно. Бүртгүүлсэн хүүхэд цэцэрлэгт элсэн орох боломжтой болсон эсэх талаарх мэдээлэл таны гар утсанд мессежээр ирэх юм.
Түүнчлэн эцэг, эхчүүд цахим системийн шалгах цэс рүү тухайн өдрийн 10.00 цагаас эхлэн нэвтэрч хүүхдийнхээ бүртгэлийн дугаараар шалгах боломжтой.
Цахим бүртгэл хамаарахгүй цөөн тохиолдол нь тусгай, сувиллын, 24 цагийн, байгууллагын цэцэрлэг болон зорилтот бүлгийн хүүхдүүдэд хамааралтай.
Харин зорилтот бүлгийн хүүхдүүд шаардлагатай бичиг баримтаа бүрдүүлээд уламжлалт аргаар бүртгүүлэх юм.
