Хүнээр хүн хийх хөх Монголын ёс гэж бий. Эцэг, эхчүүд биеийг нь төрүүлэхээс ухааныг нь төрүүлэх биш гэж ярьдаг ч чухамдаа бол таны хүүхдийн хүмүүжил, ямар хүн болох нь гэр бүлийн орчин, суурь хүмүүжилтэй шууд холбоотой байдаг юм.
Элбэг дэлбэг амьдрал, хайр халамжид бүтэн дүүрэн өссөн хүүхдэд дутагдах зүйл гэж байдаггүй. Харин хайраар ч эд зүйлээр ч идэх уухаар ч дутуу өсгөсөн хүүхэд өлөн зэлмүүн, сунаг сувдаг нэгэн болдог талаар гэр бүл хүүхдийн сэтгэл зүйч эмэгтэй ярьж байна.
Гэр бүл хүүхдийн сэтгэл зүйч Н. Ариун-Эрдэнэ
“Хүүхэд муухай аашилж байвал анхаарал халамж хүсэж байж болох юм. Уурлаж байснаа биеэ чангалан бахирах, өөрийгөө хазаж гэмтээдэг. Шалтгаан нь ердөө л бусдаас хүссэн анхаарал юм.
Хүүхэд эхлээд сайн, зөв гэж бодсон зүйлээ хийж эцэг эхийнхээ анхаарлыг татах гэж оролддог. Энэ үед нь үл хайхрах, тоохгүй байвал муухай аашилж эхэлнэ. Хүүхэд зориуд өөрийгөө өвтгөн уйлах, хазах зэрэг авир гаргах тохиолдол бий.
Энэ байдал удаан үргэлжилбэл хүүхдэд маш муу. Эдгээр зуршлуудыг нь мартагдтал хүүхдийг анхаарч, халамжлах, хайрлах хэрэгтэй” гэжээ.
